Muziek als de rode draad

Al meer dan vijftig jaar loopt muziek als een rode draad door het leven van John Coenen. Hij begon als gitarist in het banjo-schoolorkest. Na enige jaren kwam hij als gitarist/bassist in de scene van de dans-en-show orkesten (Kithara / The Cash).

Hij maakte tussendoor zijn eerste plaatjes met East Avenue en kwam in 1975 terecht bij The Walkers. Na 5 jaar ging deze internationaal succesvolle groep over op ander repertoire, dus ook een andere naam: The Press. De groep had 2 hits, waaronder het lied “Cantara Pepe”, geschreven door John Coenen en Walther Nita. The Press werkte ook aan een productie met Telly (Kojak) Savalas en John schreef voor hem het lied “Look what you’ve done to me”.

Na The Press werkte John 3 jaar bij Telstar als secretaris, A&R manager en medewerker uitgeverij. Na een invalbeurt bij de dialectgroep Fietsefreem die op zoek was naar een nieuwe gitarist/zanger bleef John er 8 jaar bij spelen, zingen en liedjes schrijven. In 1996 gooide hij het roer om, schreef een hele serie nieuwe liedjes en startte het dialectzangduo Taai Taai, een duo dat in de provincie (en ver daarbuiten) veel faam verwierf met hits waaronder “Roed zien de roeze”, “de Alpenexpres”, “de Ansichtkaart”, “Viva Tirol” en “Bove op de berg”.

Foto's

Video's

Veur de ier en de glorie
Zakke Zakke Zakke | ft Olaf Frijns - Ludy van Dijk
Dona Dona Dona
RegeWorm | ft Rebzjie
De Alpen Express
Cantare Pepe
Kleureleed (Oranje is de kleur)
Skydive

Uitgebrachte albums

Long Shadow Music Studio

Studio Long Shadow Music werkt met 2 opnameprogramma’s
  • Protools HD2
  • Logic Pro X (met tal van plugins)
Monitoring
  • Avantone
  • Yamaha NS-10 Studio
  • PSI Audio
Randapparatuur
  • Digidesign 192
  • Focusrite
  • Mindprint
  • Aphex
  • TC Electronic
  • Audio Technica
  • Neumann
  • Lexicon

Songteksten

Taai Taai
(Boermans/Verhagen)

Beij us in ‘t sträötsje daor ging ins ‘t präötsje
dat Koba vaan Greet vaan Petran
ging trowwe met Dorus dee sevetig jaor is
en niemus dee snap d’r get van

Dat deit ‘m ‘t veurjaor
dat ligk aon ‘t lenteweer
want al wat joonk is och dat vreijt zoe geer
dat deit ‘m ‘t veurjaor
dat ligk aon ‘t lenteweer
want alles wat joonk is och dat vreijt zoe geer

Lalalala….

Noe weurt ‘r gefluusterd aon eeder dee luustert
dat de broelof noe aof is gelas
umdat noe deen Dorus d’r met ‘n jonger vandoor is
die is ach en zestig nog pas

Dat deit ‘m…….

Lalalala….

Wat deit toch de meidjes zoe greun nog wie bleidjes
zoe bloze met hiel häör geziech
es Wielke of Sjengske häör puunt op ‘t wengske
en stamelt: iech haw zoe vaan diech

Dat deit ‘m…..

Lalalala…..

Taai Taai
Tekst en muziek: John Coenen
(P) Long Shadow Music

Vaan links naor rechs
umhoeg umlieg
naor veur en trök

Eeder jaor met de carnaval
is ‘t euveral in Limburg bal
geit de prins in ‘t fees veurop
weure neuze in ‘t beer gesop

es veer feeste daan doen veer dat neet haaf
veer goeie us in de boch
de hennekes in de loch
daan steig de temperatuur en roope veer vol vuur:
ALAAF ! ALAAF ! ALAAF !

heij beij us is ‘t miestal fris
terweil ‘t werrem in de trope is
veer höbbe gein caribisch blood
mer de samba danse deit us good

es veer feeste….

lalala lalala….

Tekst: J.Blenco/J.Coenen Muziek: J.Blenco/J.Coenen
(P) Parole/Long Shadow Music

Alles dreijt um de weurs
vraog dat mer aon mien breurs
met ’n weurs kinste us vaange
daarveur laote veer us haange

Alles dreijt um de weurs
vraog dat mer aon mien breurs
beij koej zin of zwoer gemood
met ’n weurs kump alles good

ouch al weurt ter euver us geklets
’t is us weurs wat ter weurt aofgezwets
geef us mer ein of twie, drei, veer
beij eeder weurs e gleeske beer

Alles dreijt…….

es veer zoe ’s aoves naor de kaffee goon
en zoonder fut get aon de tapkas stoon
wat is met uuch ? vraog us de baas versjrik
veer zegke häöm daan wat ter volges us oontbrik
heer rent daan es de bliksem naor de slachtereij
en vijf minuute later is us leid veurbeij

Alles dreijt……

Tekst: Blenco/Coenen Muziek: Blenco/Coenen
(P) Parole/Long Shadow Music

Heij boe kumps tiech vaandan
boe hoongste oet
Heij boe kumps tiech vaandan
jong noe bin iech koed
Jao jao jao
zegk, vinste dat gein sjan
geef diech noe mer bloet
heij boe kumps tiech vaandan
zegk miech ins boe hoongste oet

Op zien sokke sloop heer door ’t hoes
bang veur ’t vruiwke väöl te laat weer thoes
heer dach tot zie niks huurde
heer dach ’t is gelap
toen kloonk plots in ’t duuster
vaan daorbove aon den trap:

Heij boe kumps…..

gans verpopzak stoont heer daor die nach
tot zie op waor had heer noets verwach
en met de matteklopper
ging zie naor häöm op jach
zoe tösse alle meppe door
hoort heer nog wat zie zag:

Teks en meziek: John Coenen
(P) Long Shadow Music

Boven op de bèrreg in de alpeweij
Loupe alle keuj gezellig in ‘n reij
Met un koojbel um, make zie meziek
Ze klingele en klangele en flatse tegeliek

Lalalala ……huur ze klingele
Lalalala….. huur ze klangele
Lalalala…..zoe klink ’t in de alpewei

’n kooj is neet zoe stom es ze d’r oetzuut
die heet mie in de kop dat is ’n feit
muzikaal gezeen is zie e woonder
heet mie in häöre mars daan stommigheid
en boven op de berg is ’t altied fees
geluif miech mer want iech bin daor gewees

Boven op de bèrreg……

’n kooj die gief ouch extra liters mèllek
es ze luustert nao de radio
met meziek veult zie zich zoe gelökkig
met meziek veult zie zich okidoo
en boven op de berg is ’t altied fees
geluif miech mer want iech bin daor gewees

Boven op de bèrreg……

Taai Taai
tekst en muziek: John Coenen
(P) Catwalk Music

Caramba caramba
fees op de playa
väöl te väöl gegete
chili mexicana
caramba caramba
ho amigo ho !
buukse roond en ‘n heite koont
in Mexico

Jozef oet Tirol won ‘n reis naor Mexico
de lere brook bleef in ‘t chalet
mer den accordeon dee naom heer met
heer späölde met ‘n mexicaans orkes
mer de peper in ‘t ete waor funes
want heer wis neet wat chili waor
dat voolt heer den daag daor nao

Caramba caramba…

Op de playa oonder la luna
zien de zörreg veur manjana
op de playa oonder la luna
met sombrero en sambabal

Caramba caramba….

Taai Taai
tèks en meziek: John Coenen
uitgave: Catwalk Music

Tingelingeling … heij kump de Alpen Expres
Tingelingeling … heij kump ‘r aon
Tingelingeling … ‘r geit naor oos, ‘r geit naor wes
kump ‘r beij diech langs daan sleet mèr aon

Tingelingeling … heij kump de Alpen Expres
Tingelingeling … noe zuug ‘m goon
veer tsjoeke achterein in de polonaise trein
boch naor links …boch naor links
boch naor rechs …boch naor rechs
en zoe kachele veer weier mèt de Alpen Expres

Höbste al gehuurd vaan de Alpen Expres?
Biste mèt deen trein al ins gewees?
‘t kos diech geine gölle in de Alpen Expres
gratis en veur niks is ‘t daor fees
aajd en joonk en dik en dun, daor is plaots veur eederein
dee ins lekker oet de bol wèl goon
geine heisa geine stress in de Alpen Expres
stap mèr in en laot dee polonaise goon !

Heuvel op, heuvel aof, jao heer kump euveral
klink zien bel, klink zien fluit, daan geit heer langs berg en dal

tèks en meziek: Guus Smeets / John Coenen

Sjat heij is ‘n ansichtkaart
mèt sjoen roeze d’r op
echte roeze kreigste neet
daor bin iech mèt gestop
de lètste kier dat iech dat deeg
höbs diech ze laote stoon
Sjat heij is ‘n ansichtkaart
daor mooste ‘t mèr mèt doen

Veer hadde neet väöl, allein us gelök
veer heelte zoe vaanein
‘t waor roezegeur, ‘t waor maonesjien
toch zien veer neet dèks mie bejein
veurluipig goon veer uzze gaank
en dat geit miech aon miene straank

En heij aon de bar, allein op ‘n krök
verdrink iech mien verdreet
en eederen daag, schik iech diech ‘n kaart
de wèts dat iech diech neet vergeet
veurluipig goon veer uzze gaank
en dat geit miech aon miene straank

Blenco/Coenen

Iech dansde de sirtaki, in Zandvoort aon de Zie
daor zaog iech Truus en Sjakie, wat huppelde die twie
iech dansde de sirtaki met ein oet Liverpool
die stoont haos in häör nakie, meh eederein bleef cool
want

De wien deej waor zoe lekker
en de meidskes toch zoe sjoen
en die maakde miech wie langer wie gekker
‘ch wis vaan gekkigheid neet mie wat iech moos doen

griekser kos ’t toch neet mie daor in Zandvoort aon de Zie
eed’ren aovend in ’t duuster op ’t strand
eeder jaor zoe, noondepie, daor in Zandvoort aon de Zie
daan hoof iech neet mie zoe wiet naor Griekeland

ouch Karl-Heinz oet Keule en Trödelchen oet Trier
die dreijde wie ’n meule, en repe “nog ein Bier!”
Janien oet Merelbeke en Jean-Claude oet Paris
die stoonte mer te keke: “Encore une Sirtaki!!”
want

Tekst: H.v.Wiggen/J.Adriolo
Muziek: J.Coenen

Es diech beij Petrus veur ’t lokètsje steis
en heer beslis ofs diech wel of neet naor binne geis
vertel häöm vaan Limburg met zien meidskes die wie ingele zien
wie lekker ze puune met die lippe zeut wie roeie wien
daan zal Petrus goon bloze, vaan plezeer geit zien hertsje sloon
en tien tege ein zeet heer: diech maags naor binne goon

Al höbste inkel mer dien ganse leve lol getrap
al biste hoonderd doezend kiere lekker doorgezak
al höbste altied mer gedoon wats diech zellef ’t leefste wows
kumps diech oet Limburg bleif de hiemelpoort neet tow

Al höbste eigelik mer altied langs de pot geplas
en höbste al dien leve geld d’r zoe mer doorgejas
al biste op de kop goon stoon, hads veur werreke geine zin
kumps diech oet Limburg daan liet Petrus diech d’r in

’t zit wel good
höb geine angs veur wat gebeurt
luij oet Limburg weure altied goodgekeurd

Teks en meziek : John Coenen (08-2001)

Hojhe, hojhe,
En doeg ouch mer de kompleminte
aon Gerda en Guus, aon Theo en Truus
en bedaank veur de sjoen mominte
Hojhe, hojhe,
veer blieve neet euvernachte
‘t is fein gewees beij uuch op ‘t fees
meh d’n taxisjefeur steit te wachte

es ter get te viere velt zien veer vaan de parteij
( zien veer vaan de parteij )
veer struipe alle feeskes aof, op einen daag soms dreij
( op einen daag soms dreij )
veer haange in de lamp meh dat is geine ramp
zoelang es veer us ammezere
meh daan tot euzze spiet is ‘t opins weer tied
en moote veer um klipsere

Hojhe……

(brug)
Jao jao jao jao
‘t leve is sjoen en veer welle devaan genete
aanders kump unnen tied
zegks diech tot diene spiet
had iech miech mer besjete

Teks en meziek: John Coenen

Hula hula hula
hula hula hee
in de struuje rökskes
zien de meidskes okee
hula hula hula
hula hula hee
mèt unne blommeslinger um
aloha hee

Es ’t weer ins regent
of es de schnie weer lik
hee aloha hee
zit iech gèt te kleume
en höb iech zoe’ne sik
hee aloha hee
daan dink iech beij mien eige
zaot iech mèr op Hawaii
hee aloha hee
op ’t ritme vaan de joekelille
wiege broengebrande bille
huur iech hula hula meidskes zinge
met blommekrènskes in hun haor

John Coenen / Guus Smeets

Iech bin kepot vaan diech, jao zoe kepot vaan diech
iech bin kepot vaan diech, jao zoe kepot vaan diech
‘t snachs daon iech gein oug mie tow
zeen iech diene foto op de sjow ….. oehhh
iech bin kepot vaan diech……jao zoe kepot

Slaope daon iech noe allang neet mie
nachtelaank dink iech aon diech
door den daag daan höb iech ‘t neet mie
zeen iech ummer dien geziech
iech weur harstikke gek, iech bleif neet op mien plek
want iech loup …vaan hot naor haar
iech bin toch zoe verleef
iech vin diech toch zoe leef
diech raaks bei miech de sjuste snaar

Sinds den daag dat iech diech höb gezeen
veul iech wie mien hertsje klop
funksjeneere daon iech neet mie good
dreijt ‘t miech in miene kop
iech weur harstikke gek, iech bleif neet op mien plek
want iech loup …vaan hot naor haar
iech bin toch zoe verleef
iech vin diech toch zoe leef
diech raaks bei miech de sjuste snaar

Teks: H. Wiggen/J. Adriolo Meziek: J.Coenen

Iech höb diech met goud behaange
kreegs alles wats diech vroogs aon miech
daorum ging iech naor den donder
niks waor good genog veur diech
iech höb diech met goud behaange
diech kreegs altied diene zin
noe zit iech heij gevaange
iech ging veur diech sjoen de bajes in

Ringe, horloges, juwele
iech stelde diech altied kontent
al moos iech ze iers nog goon stele
want zellef had iech geine cent
alles wats diech kos bedinke
dat hoong iech diech aon dien vot
iech höb diech bedeend op dien winke
meh noe zit iech in ’t kesjot

Noe zit iech achter de deure
nao alles wat iech veur diech deeg
de sjreefs miech dat iech neet moot zeure
in de breef dee iech lets vaan diech kreeg
um diech gelökkig te make
ging iech veur diech ‘s nachs op pad
noe höb iech veur negetig krake
drei jaor en zes maonde gehad

Teks en meziek: Guus Smeets / John Coenen

Jo is vaan de fiets gevalle
En daor laog heer op de groond
heer hat ziech hiel good opgevaange
voolt allein pein aon zien koont
Jo is vaan de fiets gevalle
dat gebäört ‘m kier op kier
want es Jo weer vaan z’n fietske velt
daan is heer aon de zwier

Jo is vrijgezel gebleve zien ganse leve laank
heer helt zoe vaan ’t leve, heer helt zoe vaan den draank
’s mörreges drink heer wodka, want heer lus geine thee
daan vertrek heer op zien fietske weer naor zien stamcafe

Jo dee heet ’n flink vermoge, jao Jo bars vaan de poen
heer is zoe opgetoge heer vind ’t leve sjoen
Jo heet unne fietstoch naor Sibérie gemaak
daor preufde heer de wodka, daor ging heer oet zien daak

lalalalalalala kaza kaza kazatsjok
lalalalalalala heer velt um wie unne blok

Teks en meziek: John Coenen / Guus Smeets

Kom ins met miech danse
maak miech noe ins bleij
kom ins in mien errem
jao noe kom ins aon mien zeij
laot miech eve veule
dats diech vaan miech hels
zegk miech datste danse met miech wels

Beij de dansles zaog iech diech en veel haos vaan de krök
diech bis zoe knap en zoe charmant diech bis e lekker stök
iech wis neet wat iech zegke moos iech waor op slaag verleef
iech vroog diech höbs diech tied veur miech welste danse estebleef

veer zien noe es maan en vrôw al jaorelaank bejein
en zien mekaar nog lang neet meuj veer hawwe väöl vaanein
iech bin nao al die jaore nog gans ech op diech verleef
en vraog ouch noe weer leve sjat welste danse estebleef

Meziek: John Coenen / tèks: Hans van Wiggen/Jan Adriolo

Iech weit ’n sjoen eiland boe niemes us twieje kin store
‘’ne parel in zie, ’n oase beij daag en beij nach
en es diech daor bis höbs ouch diech snel dien hertsje verlore
want veurste ’t wets heet de leefde ouch diech in häör mach

Kom mèt miech mèt, naor dat eiland vaan leefde
Daor boe sprookjes nog altied bestoon
Geef miech dien hand en laot us same druime
Vaan gelök dat noets zal euvergoon
Kom mèt miech mèt naor dat eiland vaan leefde
straolend in de gouwe zonnesjien
Boe alle druime oet zalle koume
En veer veur altied gelökkig kinne zien

De zèlvere vogel bringk us euver berge en zieje
Door rege en mis naor dat eiland vol woondere prach
En einmaol geland vinde veer ’t gelök met z’n twieje
’n leefde veur altied zoe sjoen wie de sterre beij nach

Blenco/Coenen

Op d’n tapkraon steit gesjreve
lekker doort mer eve
en wat lees iech op de vinsterbaank
lekker is mer eine vinger laank
op de tapkas steit gesjreve
lekker doort mer eve
dus zörrig totste dat momint neet mis
umtot ’t toch zoe lekker is

Sommige die kinne zoe genete
vaan draank en ete, gans oetgebreijt
orelaank weurt hiel get aofgeknawweld
en sjeel gewawweld, hiel sjiek gekleijt
boeveur moot dat noe toch zoe lang doore
en weurt nao ore pas oetgesjeijt

Op d’n tapkraon…..

Kiek häöm met dat pelske aon zien lippe
gans zuinig nippe, da’s gei geziech
iech pak liever vaan die groete slokke
die lekker klokke, die smake miech
sinds iech dat gezegkde höb geleze
wel iech mer peze, dat is verpliech

Op d’n tapkraon….

Teks en meziek: John Coenen

Limburgse vlaoj, die is ’t lekkerste
veer veule us ech thoes
met ’n groet stök oet de voes

Limburgse kies, dat is de rommedoe
heer is zoe zach en fien
beij ’n lekker gleeske wien

alles wat heij weurt gemaak
heet unne echte limburg smaak
vlaoj of kies, weurs of beer
veer löste ’t toch zoe geer

Limburgse weurs, die is ’t smeuïgste
in blökskes op ‘n plaank
en daan goon veer uzze gaank

ruuk, hap, slik en eweg
is dat culinair gerech
sjöt, sjöt, sjöt nog ins in
want veer höbbe gooie zin

teks en meziek: John Coenen

He Ho Loomele Joe
zoonder peerd löp heer heij roond
He Ho Loomele Joe
gein brook mie aon zien koont

Loomele Joe
Loomele Joe

Joe waor unne cowboy, heer gokte nogal geer
heer had zien letste cent verspäöld
met poker en aon beer
ouch zien peerd en al zien keuj
die heer had ingezat
die waor heer kwiet, heer hat niks mie
toen zoong de hiele stad:

Joe deit noe in loomele, dat helt ‘m op de bein
en elke aovend sjravelt heer
zien kloomele bejein
heer geit naor zien stamcafe
verdrink daor al zien cent
‘n oor of twie, daan is heer blut
daan zingk de ganse tent:

Teks en meziek: Guus Smeets / John Coenen

Luuster naor de radio
Kreigste gét meziek kedo
Is ’t auch nog blaosmeziek
Veulste diech nog ins zoe riek
Luuster naor de radio
Naor den deejee en z’n show
Kreigste altied gooie zin
Höbste väöl plezeer
Huurs ’t toch zoe geer
’t is de radio dee maak diech bleij vaan zin

De zeuks de ein of aander gooi frequentie
Zoonder zeiver of polletiek
Unne deejee met ’n bitsje gooj pretentie
Jao dee pak diech in mét lekkere meziek
Vaan smörges vreug tot aon de late aovend
Zing iech altied mét de leedsjes mét
Iech zou zoonder radio neet kinne
In de auto op mien werk in mien béd

Euver smaak in de meziek vilt neet te twiste
Héls vaan polka of rock en roll
Meh de blaosmeziek vin iech ‘t allerbeste
Jao daan gaon iech altied gans oet miene bol
Vaan smörges vreug tot aon de late aovend
Zing iech altied mét de leedsjes mét
Iech zou zoonder radio neet kinne
In de auto op mien werk in mien béd

John Coenen / Guus smeets

Mergelland
mien heuvelland
Limburg iech haw vaan diech
heerlijk land
land vaan geluk
heij kom iech altied trök
op dee mergelgroond bin iech gebore
in dat bronsgreun land daor bin iech thoes
Mergelland
mien heuvelland
Limburg iech haw vaan diech

Zowste heij neet wèlle leve
noe ‘t tied vaan leve is
in dat land vaan bronsgreun eike
boeste ouch gebore bis

Blenco/Coenen

’t is neet mie de stad
zoe wie ze vreuger waor
es iemes soms daoreuver klaog
höb iech mien antwoord klaor:

Mestreech,
dat bleif Mestreech veur miech dat maag geer wete
Mestreech,
dat bleif de stad veur miech, iech bin bezete
vaan alles wat zie beejt, al wat zie heet
zow iech mien stad oets kinne vergete?
verhuize daon iech neet
want Mestreech, dat bleif veur miech Mestreech

De stad ligk euverhoup
dat geit miech aon mien preij
meh iech höb einen troes
’t weurt nog sjoener heij
al ligk zie noe oonder de stöb
toch zing iech eve bleij

Mestreech…..

Blenco/Coenen

Ach mien leefste Marieke
Keend, diech bis miech ’n sjieke
Ach mien leefste Marieke
Sjat, diech bis miech ’n sjoen
Ach mien leefste Marieke
De wels miech neet mie bekieke
Meh veur wielang moot nog blieke
Kom geef miech gaw unne poen

Och wat bin iech koed
Mie Marieke die heet miech gekloet
Och wat e sjagrijn
Zoe opins leet ze miech heij allein
Och wat e verdreet
Iech wel häör wel meh zie welt miech neet
Och wat bin iech koed
Mie marieke die heet miech gekloet

Och zie is zoe knap
Meh noe heet ze miech zoeget gelap
Jao, zie is e stök
En noe kreig iech dat sjoens neet mie trök
Zie leet miech heij stoon
En boeveur heet ze zoeget gedoon
Och wat bin iech koed
Mie Marieke die heet miech gekloet

teks en meziek: Jo Deusings & Koos Snijders

’n Romance met Constance is ’t sjoenste wat besteit
iech kin d’r niks aon doen, iech snap ’t neet
wat dat meidske met miech deit
’n romance met Constance tête à tête langs de Seine
iech wel gaw weer trök, ’t liefs vendaog
naor de Place de Madeleine

iech zeen häör noe al veur miech stoon
in dat sjieke liechblôw kleid
nog ’n week of twie daan zal iech goon
geluif mèr dat zie d’r steit
um zeven oor op ’t perron
Gare du Nord, ’t groete stasion
Constance, ecxellence, nog eve daan roop iech bonjour
Constance, elegance, rendez-vous met mon amour

veer goon naor Saint Germain-des Prés
Danse euver de Grands Boulevards
’n Pernod of twie in us klein cafe
champagne met kaviaar
in Pierre’s kafeeke vol romantiek
klink e sjoen stökske meziek
Constance, ecxellence, nog eve daan roop iech bonjour
Constance, elegance, rendez-vous met mon amour

tekst: H.v.Wiggen-J.Adriolo / muziek: J.Coenen

’n tent vol hoempapa, geit noets vervele
al weurt ’t nog zoe laat ’t kin us ech niks sjele
veer goon altied mer door, dat vinde veer zoe fein
veer loupe toch zoe gere in, de polonaise trein
’n tent vol hoempapa, geit noets vervele
al weurt ’t nog zoe laat ’t kin us ech niks sjele
de trein zit vol de hiele tent is oetverkoch
twie rije dik goon veer weer door de boch

veer moote altied knokke veur de duite
zoe zit de vörrek einmaol aon de steel
veer weure groetgebrach met regeleminte
en loupe zoe hiel sjoen in ’t gareel
mer noe is ’t gedoon, veer laote ‘m ins goon

’t is opstoon, werreke, ete en weer slaope
en dat helt zelfs ’t beste peerd neet vol
want veurste ’t wets liks diech op apegape
daorum goon veer iers eve oet de bol
’t is den hoegste tied, want straks höbbe veer spiet

Blenco/Coenen

Strak……nao d’n après-ski
daan weit iech de weeg neet mie
dat weurt miech e gesjravel
mien neus hingk op miene navel
strak……nao d’n après-ski
daan weit iech de weeg neet mie
dat maak niks oet want wètste wat
veer höbbe toch plezeer gehad

de gansen daag die latte aon d’n veuj
daan biste ’s aoves wie ’n maoj zoe meuj
dus geiste naor die Hütte en begins
daan howste diech get d’rin, zoeväöl wieste mer kins
meh este genog höbs, daan kreigste spiet
wèls diech naor hoes biste de riechting kwiet

Strak……nao d’n après-ski…..

brug
eeder jaor schievel iech daor
alles aon de kant
meh daan nao den après-ski
kump den trammelant

J.Terra / Y.Nick
nederlandse tekst: J.Coenen

Onder de toren
Daar ben ik geboren
Daar luiden de klokken
Voor bruiloft en rouw
Onder de toren
Daar ben ik geboren
Daar waar paartjes gaan vrijen
bij ‘t licht van de maan

hij gooit vaak zijn schaduw
ver over de grond
op de punt van de toren

draait de haan in ‘t rond
daar ben ik geboren
daar vind ik mijn geluk
ja onder de toren
kan ‘t leven niet stuk

Onder de toren…

Van ver kun je het horen
Als zijn klokken gaan slaan
Die warme klanken
Doen mijn hart open gaan
De kerk, het straatje
En de boom op ‘t plein
Ze zeggen mij altijd:
Nergens is ‘t zo fijn

Als Onder de toren….

J.Terra / Y.Nick
limburgse tekst: J.Coenen

Oonder den tore
daor bin iech gebore
daor loeë de klokke
veur broelof en rouw
oonder d’n tore
daor bin iech gebore
daor boe köppelkes vreije
in ‘t leech vaan de maon

Wiet boete ‘t dörrep
zuus diech ‘m al stoon
op de punt vaan den tore
dreijt den haon in ‘t roond
heer goeijt ziene sjaduw
wiet euver de groond
‘t is heij beij den tore
dat mien weegske stoond

Jao Oonder Den Tore…

Vaan wiet kinste ‘t huure
Es zien klokke goon sloon
die werreme klaanke
doen mien hart ope goon
de kèrrek, ‘t stràötsje
en de boum op ‘t plein
zie zègke miech altied:
nörreges is ‘t zoe fein

Es Oonder Den Tore…

F.Michael/R.Jonet/M.Jourdain Limb.tekst: J.Coenen

refrein
Roed roed roed, roed zien de roeze
roeze die iech aon diech wèl geve
want ‘t gelök raak us aon
en beij ‘t leech vaan de maon
fluuster iech diene naom

couplet 1
zèt de aovendzon de loch in vuur en vlam
kump d’n daag tot rös daan kom iech in de ban
vaan ‘n leef meidske, sjoen en fien
wèl hiel mien leve beij häör zien
‘t is veur häör dat iech dit leedsje zing

couplet 2
en häör ouge zien wie sterre in de nach
‘t is de leefde boe iech lang op höb gewach
iech zal häör noets mie laote goon
dat groet gelök in mien bestoon
‘t is veur häör dat iech dit leedsje zing

tèks en meziek : John Coenen

In ‘t dal tösse de heuvels
in ‘t greun en aon de maos
ligk ‘n stad, sjoen wie e printsje
ligk de stad vaan Sint Servaos

Sjoen Mestreech
aon Maos en Jeker
‘ch haw vaan diech zoe lang iech leef
heij steit mien awwershoes
heij kom iech altied thoes
jao Mestreech, diech bis miech leef

Bin iech soms in verre streken
bin iech wiet vaan diech vaandan
veul iech deep beij miech vaanbinne
wie de heimwee stèllekes brand

Teks en meziek: John Coenen

Slaop beij miech venach
Want in dien èrrem wèl iech druime
En es diech höbs jao gezag
Daan zal iech zoe gelökkig zien

Kleurloos waor mien leve
Tot aon den daag dat iech diech zaog
Iech wow diech mien leefde geve
Daorum höb iech diech stèllekes gevraog

Al is ‘t lang geleije
Tot veer us troffe aon de zie
nog altied bin iech tevreije
naor dien leefde verlang iech mie en mie

Tekst: H.v.Wiggen/J.Adriolo Muziek: J.Coenen

De mam die kreeg veur moederdaag ’n reiske naor Tirol
Dat had zie nog noets metgemaak, veel beinao vaan de stool
Toen leep ze gaw get winkels aof en koch veur halve pries
Twie stelkes werrem oondergood, ’n pak en hiel nuij skies

Ze vloog vaan bove naor oondere, ‘t ging op good gelök
Vaanaof ‘n hiel hoeg alpewei, naor ’t dal en weer terök
Ze vloog vaan bove naor oondere, opins waor daor dee boch
En Mamma laog in eine kier met de beinsjes in de loch

Per helicopter ging de mam gaw naor ’t hospitaol
Daor laog ze met de bein umhoeg toen op de ziekezaol
Verpak wie unne mummie kaom ze trök naor Nederland
Met nog zoen hoonderd kneuzen allemaol in ‘t verband

tèks en meziek: Guus Smeets / John Coenen

couplet:
D’r zien miljoene sjoene meidskes euveral
in Azie, Europa en Amerika
mèr d’r is ein meidske dat miech ech bevèlt
en dat is mien Veronica

refrein:
Blief altied beij miech Veronica
Sjoen sjoen meidske oet America
want mèt diech mien leef Veronica
mèt diech bin iech gelökkig
jao bin iech zoe gelökkig
Halli Hallo Veronica

brug:
Iech ging mèt Thya oet Tirana
en Mona oet Montana
wie heerlik waor Marie oet Mexico
Mèh ein waor toch ‘t sjoenste
veur miech de allersjoenste
Veronica zoe wie zoe

teks en meziek: John Coenen / Guus Smeets

Viva Oh Viva Tirol
in ‘t lere breukske bovenop de stool
dijekletse op ‘n ech tirolerbal
den echo dee galmde door ‘t ganse dal
Viva Oh Viva Tirol
in polonaise lekker achterein
wat ginge veer tekier op ‘t tirolerbal
en den echo echo echo galmde door ‘t dal

couplet
Iech waor ins ‘n reiske goon booke
verlangde naor berg en naor dal
iech had de vekansie geroke
en haolde de wage vaan stal
de kofferbak gans volgelaoje
de bergsjeun good in ‘t vet
‘t reisdoel dat kint geer wel raoje
mien tirolerbrook die naom iech met

brug
Langs de beek en berg op
tot aon de alpewei
en in de blokhut zoonge veer
allemaol opnuij

Blenco/Coenen

Väöl meitskes vinde ‘m super
ze haange ziech um ziene nek
heer liet de duite rolle
wat zie vraoge köp heer direk
jao vrowluij kin heer zoe höbbe
aon eedere vinger ein
heer zwumt in ’t geld en dat is wat telt
dus klink eederskier dit refrein

Zoene gooje höbbe veer nog noets gehad
jao heer is zoene vent kiek neet op unne cent
och wat is ’t ‘nne sjat
Zoene gooje höbbe veer nog noets gehad
met zien hertsje vaan goud geit heer noets in de fout
och wat is ‘t ‘nne sjat

Soms liek ’t wel unnen harem
ze haange aon ziene jas
en al die meidskes weite
heer zit good in de slappe was
en geld maak dan wel neet gelökkig
meh bringk meitskes beij de vleet
en este mer köps, gein remminge höbs
daan zinge ze ouch nog dit leed:

Zoene gooje höbbe veer nog noets gehad……

Meh es heer gein duite zow höbbe
daan maakde die meitskes ‘m zwart
al zow d’r mesjien, EIN vruiwke nog zien
die zag, oet de groond vaan heur hart

Zoene gooje höbbe veer nog noets gehad
jao heer is zoene vent ouch al heet heer gein cent
och wat is ’t ‘nne sjat
Zoene gooje höbbe veer nog noets gehad
met zien hertsje vaan goud geit heer noets in de fout
och wat is ‘t ‘nne sjat

Trad. John Coenen

‘nen daag dee doort mèr eve veur heer weggleijt in den tied
mèr diech bleifs in mien gedachte en dat raak iech noets mie kwiet
iech wins met hiel mien hèrtsje unne nuijen daag mèt diech
en zoonder gèt te vraoge kreigs diech alles weer vaan miech

Jao zoonder gèt te vraoge
kreigs diech alles watste wèls
nein daan höb iech neet te klaoge
zoelang es diech vaan miech hèls

iech hoop dat veer nog jaore in gezoondheid samen zien
dat us leefde nog maag riepe sjus wie gooije roeie wien
iech wins mèt hiel mien hèrtsje unne nuijen daag mèt diech
en zoonder gèt te vraoge kreigs diech alles weer vaan miech

SampleBrain

In mei 2004 ging John Coenen SOLO verder onder zijn eigen naam. Naast optreden en produceren van Limburgse feestmuziek is er nu een geheel nieuwe zijweg: Een instrumentaal project onder de naam “SampleBrain”. Het eerste album is nu klaar: “After 5 pm” is te verkrijgen als legal download op een kleine 300 portals wereldwijd en als CD verkrijgbaar via deze site.

Contact opnemen

  • +31(0)43 358 0550
  • info@johncoenen.com