|
Eve de batse dreije, Lizet |
|
|
|
Geschreven door John Coenen
|
Eve de batse dreije, Lizet
ze ligke broen te pruttele in ‘t vet
want ligke ze te lang op eine kant
daan zien die batse hiel gaw aongebrand
eve de batse dreije, Lizet
‘t geit verkierd es neet weurt opgelet
dus staank ins op en laot de buis de buis
en bak die batse broen op ‘t fornuis
iech bin gek op kippebatse
die eet iech ‘t liefs vaan al
iech hoof gein culinaire fratse
dat intreseert miech geine bal
meh batse brooje is neet zoe gedoon
de moos d’r evekes beij blieve stoon
Eve de batse....
ligk mien vrouw met vekansie op ‘t strand
met zonnebrandolie ingevet
daan roop iech vaanaof de waterkant
eve de batse dreije, Lizet !!!!
Eve de batse.... |
